कामाची वेळ संपून बाहेर पडल्यानंतर ,घरी आल्यानंतर कार्यालयाशी संपर्क न ठेवणे अथवा वरिष्ठांच्या कोणत्याही दूरध्वनीला ,इमेलला उत्तर न देण्याचा अधिकार ऑस्ट्रेलियात नोकरदार व्यक्तींना मिळणार आहे .येथे खासगीपणाचा अधिकार(राईट टू डिसकनेक्ट)येत्या सोमवारपासून लागू होणार आहे.
कामाशी संबंधित मानसिक आरोग्याच्या समस्या सोडवण्यासाठी हा नवीन कायदा आणला आहे.वाजवी काम दुरुस्ती कायदा हा यंदा फेब्रुवारीमध्ये ऑस्ट्रेलियाच्या संसदेत मंजूर करण्यात आला होता.२००९ मधील या कायद्यात सुधारणा करून हा आणला आहे.कामच्या वेळेनंतर वरिष्ठांकडून आलेले निरोप,फोन ,मेल वाचण्यास किंवा त्यांना उत्तर देण्यास कर्मचाऱ्यांना या कायद्याचे संरक्षण मिळणार आहे.यासंबंधीचे विधेयक संसदेत मंजूर झाल्यानंतर मालक वर्गाकडून त्याला विरोध करण्यात येत आहे.हा कायदा घाईने केला असून सदोष असल्याचे त्यांचे म्हणणे आहे.