लेखणी बुलंद टीम:
ईशान्य दिल्लीतील वेलकम पोलिस स्टेशन परिसरातील जनता मजदूर कॉलनीमध्ये एक चार मजली इमारत कोसळली. या दुर्घटनेत इमारतीत सुमारे 12 जण अडकल्याची भीती व्यक्त केली जात आहे. सध्या पोलिस आणि एनडीआरएफ पथके घटनास्थळी पोहोचली आहेत. बचावकार्यात गुंतलेल्या अग्निशमन दलाच्या जवानांनी सांगितले की, ढिगाऱ्यातून 6 जणांना बाहेर काढून रुग्णालयात दाखल करण्यात आले आहे. तर 5-6 जण अजूनही ढिगाऱ्यात अडकले आहेत. सध्या घटनास्थळी 7 अग्निशमन दल आणि पोलिस पथके बचाव आणि मदत कार्यात गुंतलेली आहेत. इमारत खूपच जीर्ण झाली होती, त्यामुळेच ही दुर्घटना घडली, असं सांगण्यात येत आहे.