पश्चिम बंगालमधील बीरभूम येथे कोळसा खाणीत भीषण स्फोट झाला आहे. या अपघातात 5 ते 7 जणांचा मृत्यू झाल्याची माहिती आहे. इंडिया टुडेच्या वृत्तानुसार, हा अपघात खैराशोल ब्लॉकच्या लोकपूर पोलीस ठाण्याच्या भादुलिया गावात घडला आहे. मृत कामगारांचे मृतदेह पोस्टमॉर्टमसाठी पाठवण्यात येत आहेत, तर जखमींना उपचारासाठी रुग्णालयात दाखल करण्यात आले आहे. घटनास्थळी पोहोचलेले पोलीस अधिकारी परिस्थितीवर नियंत्रण मिळविण्यात व्यस्त आहेत. प्रशासनाने वेगाने बचावकार्य सुरू केले आहे.