सिडको प्रशासनाचा भोंगळा कारभार वाशी रेल्वे स्टेशन समोरील पे अँड पार्क मधील दुरावस्था नागरिक त्रस्त

लेखणी बुलंद टीम 

नवी मुंबई विशेष प्रतिनिधी

वाशी रेल्वे स्थानक येथील कल्याण ज्वेलर्स समोरील पे अँड पार्क सिडको चे वतीने कंत्राटी तत्त्वावर चालवले जाते या ठिकाणी गाड्या पार्किंग चे नागरिकांकडून पैसे आकारले जातात.  परंतु या पे अँड पार्क चे प्रवेशद्वारा समोरच भले मोठे खड्डे रस्त्याला पडलेले आहेत.

संपूर्ण पार्किंग मध्ये रस्त्याची अक्षरशः चाळण झाली आहे त्या मुळे गाड्या पार्क करून जाताना नागरिकांना मात्र तारेवरची कसरत करावी लागते.पार्किंग मध्ये भंगार गाड्यांचे आणि कचऱ्याचे साम्राज्य आहे अश्या अनेक त्रुटी या पार्किंग मध्ये दिसून आल्या आहेत.

नागरिकांकडून मात्र गाड्या पार्क करण्याचे पैसे आकारले जातात पण येथील रस्त्याकडे आणि कचऱ्याचे ढिगारे यांच्या कडे मात्र सपशेल दुर्लक्ष केले जात आहे. सामाजिक कार्यकरतींनी या ठिकाणी चौकशी केली असता 3 ते 4 महिने झाले तक्रार केली आहे पण सिडको प्रशासन लक्ष देत नाही असे येथील कर्मचाऱ्यांचे म्हणणे आहे.

जर नागरिकांकडून तुम्ही गाड्या पार्क करायचे पैसे घेता मग त्यांना पुरेश्या सेवा तरी द्यायला पाहिजेत ना?

ज्या भंगार गाड्या आहेत त्यांच्या कडून भाडे आकारले जाते का?

सिडको ने केलेल्या कंत्राट प्रमाणे नक्की येथे चोख कामकाज चालते का याच सोबत रस्त्याची झालेली दुरावस्था सिडको ने तात्काळ दुरुस्त करून द्यावी असे येथील नागरिकांचे म्हणणे आहे.