सोने आणि चांदीने दिला ग्राहकांना दिलासा , 14 ते 24 कॅरेटचा भाव काय?

Spread the love

 लेखणी बुलंद टीम:

सोने आणि चांदीने सलग दुसऱ्या दिवशी ग्राहकांना दिलासा दिला. दोन्ही धातुत घसरण झाल्याने ग्राहकांची पावलं सराफा बाजाराकडे वळाली. काय आहेत किंमती? आता 18K, 22K, 24K सोन्याच्या तर एक किलो चांदीचा भाव जाणून घ्या…
सोने आणि चांदीचा भाव काय

सोने आणि चांदीने या आठवड्यात सलग दुसर्‍या दिवशी दिलासा दिला. दोन्ही धातुच्या किंमती घसरल्या. गेल्या आठवड्यात या धातुनी जोरदार बॅटिंग केली होती. या आठवड्यात मौल्यवान धातुत वाढीची शक्यता वर्तवण्यात येत होती. सुरुवातीच्या दोन दिवसात मोठी घसरण दिसून आली. सोन्याने 90 हजारांचा टप्पा ओलांडून माघार घेतली आहे. तर चांदीने एक लाखांचा टप्पा ओलांडला आहे. आता 18K, 22K, 24K सोन्याच्या तर एक किलो चांदीचा भाव जाणून घ्या…(Gold Silver Price Today 26 March 2025 )

सोने दोन दिवसात उतरले

मागील आठवड्यात सोन्याने जोरदार मुसंडी मारली होती. सोने 1100 रुपयांनी महागले. तर 550 रुपयांनी स्वस्त झाले होते. या सोमवारी सोने 210 रुपये आणि मंगळवारी 330 रुपयांनी उतरले. गुडरिटर्न्सनुसार, आता 22 कॅरेट सोने 82,000 रुपये प्रति 10 ग्रॅम तर 24 कॅरेट सोन्याचा भाव 89,440 रुपये प्रति 10 ग्रॅम आहे.
गेल्या तीन दिवसात चांदीचा भाव स्थिर आहे. त्यापूर्वी चांदीत 4100 रुपयांची घसरण झाली होती. सोमवार आणि मंगळवारी चांदीची किंमत जैसे थे आहे.गुडरिटर्न्सनुसार, एक किलो चांदीचा भाव 1,01,000 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 87,751, 23 कॅरेट 87,400, 22 कॅरेट सोने 80,380 रुपयांवर आहे. 18 कॅरेट आता 65,813 रुपये, 14 कॅरेट सोने 51,334 रुपये प्रति 10 ग्रॅमवर आहे. एक किलो चांदीचा भाव 97,922 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.


Spread the love

Leave a Reply

Your email address will not be published. Required fields are marked *