न्यायमूर्ती फातिमा बीवी यांचे वयाच्या ९६व्या वर्षी निधन झाले. त्या देशाच्या सर्वोच्च न्यायालयातील पहिल्या जज होत्या. केरळमधील एका रुग्णालयात त्यांनी अखेरचा श्वास घेतला.
नवी दिल्ली : सर्वोच्च न्यायालयाच्या पहिल्या महिला जज आणि तामिळनाडूच्या माजी राज्यपाल न्यायमूर्ती फातिमा बीवी यांचे आज सकाळी निधन झाले. अधिकृत सूत्रांनी दिलेल्या माहितीनुसार केरळमधील एका खासगी रुग्णालयात त्यांचे निधन झाले. त्या ९६ वर्षांच्या होत्या.
न्यायमूर्ती फातिमा बीवी यांचा जन्म केरळमधील पंडालम येथे झाला. त्यांचे शालेय शिक्षण पथनामथिट्टा येथील कॅथलिक हायस्कूल येथे झाले. त्यानंतर तिरुअनंतपुरमच्या विद्यापीठातून विज्ञान शाखेची पदवी घेतली. पुढे लॉ कॉलेजमधून कायद्याची पदवी घेतली आणि वकीली सुरू केली. १९८३ साली त्या उच्च न्यायालयात न्यायाधीश झाल्या आणि १९८९ साली सर्वोच्च न्यायालयात न्यायाधीश बनल्या
केरळच्या आरोग्य मंत्री वीना जॉर्ज यांनी न्यायमूर्ती फातिमा बीवी यांच्या निधनावर शोक व्यक्त केला. सर्वोच्च न्यायालयाच्या पहिल्या महिला न्यायाधिश आणि तामिळनाडूच्या राज्यपाल म्हणून त्यांनी स्वत:ची छाप उपटवली होती. त्या हुशार होत्या आणि त्यांच्या नावावर अनेक विक्रम देखील होते. त्यांच्या जीवनाकडे पाहिले तर इच्छाशक्तीच्या जोरावर प्रतिकुल परिस्थिती देखील कसे यश मिळवता येते दिसून येते.
फातिमा यांनी केरळमधून वकीलीच्या माध्यमातून करिअर सुरू केले होते. त्यानंतर १९८३ साली त्या सर्वोच्च न्यायालयात पहिल्या महिला जज झाल्या.
देशातील कोणत्याही उच्च न्यायालयात नियुक्त झालेल्या त्या पहिल्या मुस्लिम महिला न्यायाधीश होत्या. इतक नाही तर आशिया खंडातील कोणत्याही देशाच्या सर्वोच्च न्यायालयात महिला न्यायाधीश होणाऱ्या त्या पहिल्या महिला ठरल्या होत्या. त्यांनी राष्ट्रीय मानवाधिकार आयोगाच्या सदस्य म्हणून काम केले होते. तामिळनाडूच्या राज्यपालपदी असताना त्यांनी तामिळनाडू विद्यापीठाच्या कुलगुरू म्हणून काम केले होते. १९९० साली त्यांनी डी.लिटी आणि महिला शिरोमणी अशा पुरस्कारांनी गौरवण्यात आले होते
