बस चालक मुलींच्या जवळ बसून त्यांना त्रास होता. तसेच याबाबत धमकावल्याचाही त्याच्यावर आरोप आहे. दरम्यान मुलींनी घरी गेल्यानंतर त्यांना त्रास होत असल्याची तक्रार केल्यावर आईने अधिक विचारणा केल्यानंतर हा प्रकार समोर आला आहे.
बदलापूर मध्ये आदर्श विद्या मंदिर शाळेत दोन चिमुकलींवर शाळेतील सफाई कर्मचार्याकडून लैंगिक अत्याचार झाल्याचा घृणास्पद प्रकार समोर आल्यानंतर आता तसाच प्रकार पुण्यामध्येही वानवडी भागात (Wanowrie) होत असल्याचं समोर आलं आहे. पुण्याच्या (Pune) एका शाळेतील मुलींना चालत्या बस मध्ये त्रास दिल्याचं समोर आलं आहे. या मुलींनी त्यांच्या प्रायव्हेट पार्ट मध्ये जळजळ होत असल्याची तक्रार आईकडे केल्यानंतर हा प्रकार प्रकाश झोकात आला आहे.
वानवडी पोलिसांकडून मुलींवर बस मध्ये होत असलेल्या लैंगिक अत्याचाराचा गुन्हा नोंदवून घेतला आहे. यामध्ये बस चालकाने 6 वर्षीय मुलगी आणि तिच्या मैत्रिणीवर बस मध्ये त्यांच्या प्रायव्हेट पार्ट्सला हात लावल्याचा गुन्हा दाखल केला आहे. हा प्रकार 4 दिवस सुरू असल्याचं तक्रारीमध्ये नमूद करण्यात आले आहे.
बस चालक मुलींच्या जवळ बसून त्यांना त्रास होता. तसेच याबाबत धमकावल्याचाही त्याच्यावर आरोप आहे. दरम्यान मुलींनी घरी गेल्यानंतर त्यांना त्रास होत असल्याची तक्रार केल्यावर आईने अधिक विचारणा केल्यानंतर हा प्रकार समोर आला आहे. दरम्यान या प्रकरणामध्ये आरोपी संजय जेटींग रेड्डी या बस चालकाला अटक करण्यात आली आहे. तसेच पोक्सो अंतर्गत देखील गुन्हा दाखल करण्यात आला आहे.