महाराष्ट्रात सातारा जिल्ह्यातल्या तरुण शेतकऱ्याने कडक उन्हाळ्याच्या तडाख्यात स्ट्रॉबेरीचं उत्पादन घेत दीड एकर जमिनीवर दरमहा स्ट्रॉबेरीला 1.5ते 2 लाखांचं उत्पन्न मिळवलंय. पाणी, खतांचा योग्य वापर आणि कीटक आणि कीटकांपासून वेळेवर प्रतिबंधात्मक उपायांमुळे, लाल स्ट्रॉबेरीची लागवड (Strawberry Farming) चांगली केलीय. सागर रघुनाथ माने असं या शेतकऱ्याचं नाव असून पुणे, वाशी, सांगली, कोल्हापूर, विटा, सातारा आणि कराड येथे स्ट्रॉबेरीची चांगली मागणी आहे. या तरुण शेतकऱ्याने उष्ण हवामान असलेल्या कोरड्या भागात स्ट्रॉबेरी लागवडीचा यशस्वी प्रयोग केला.शेतकरी सागर रघुनाथ माने या तरुण शेतकऱ्याने थंड हवामानात पिकवल्या जाणाऱ्या स्ट्रॉबेरी उष्ण हवामानात वाढवण्याचे आव्हान होते. तो म्हणतो हे एक मोठे आव्हान होते.तज्ञ शेतकऱ्यांशी, कृषी तज्ञांशी चर्चा करत गेल्या काही वर्षांपासून स्ट्रॉबेरीची लागवड करत चांगलं उत्पन्न कमावलंय. पहिल्याच प्रयत्नात यश मिळल्याने या शेतकऱ्याचा आत्मविश्वास वाढलाय.
“शेतीमध्ये प्रयोगशील राहिलं तर यश नक्की मिळतं. कोरड्या भागातही आधुनिक तंत्रज्ञान आणि योग्य व्यवस्थापनामुळे चांगलं उत्पादन घेता येतं,” असं सागर माने सांगतात. त्यांच्या यशोगाथेने कोरडवाहू भागातील अनेक शेतकऱ्यांना नवी दिशा दिली आहे.
पहिल्याच प्रयत्नात यश
सप्टेंबर-ऑक्टोबर 2023 मध्ये त्यांनी केवळ 20 गुंठे जमिनीवर प्रायोगिक तत्त्वावर स्ट्रॉबेरीची लागवड केली. किसानतकला दिलेल्या माहितीनुसार, योग्य नियोजन, खतांचा संतुलित वापर आणि आधुनिक तंत्रज्ञानाच्या मदतीने 90 दिवसांतच पहिलं उत्पादन हाती आलं. हा प्रयोग यशस्वी झाल्यावर, त्यांनी 2024मध्ये 60 गुंठे क्षेत्रावर स्ट्रॉबेरीची लागवड वाढवल्याचं ते सांगतात.
पिकाचे व्यवस्थापन आणि उत्पन्न
स्ट्रॉबेरी लागवडीसाठी पाणी व्यवस्थापन अत्यंत महत्त्वाचं असतं. ठिबक सिंचन पद्धती, सेंद्रिय खतांचा वापर आणि कीटक व्यवस्थापनाच्या योग्य उपाययोजनांमुळे उत्पादनात सातत्य राखलं. पुणे, सांगली, कोल्हापूर, विटा, सातारा येथे स्ट्रॉबेरीला मोठी मागणी आहे. सध्या 300ते 350रुपये प्रतिकिलो दराने विक्री होत असून, महिन्याला 2.5ते 3 लाख रुपयांचं उत्पन्न मिळत आहे. सागर माने यांच्या या यशस्वी प्रयोगामुळे गावातील आठ जणांना रोजगार मिळाला आहे. दर दोन दिवसांनी स्ट्रॉबेरी तोडणी आणि पॅकिंग केलं जातं, त्यामुळे स्थानिकांना नियमित काम मिळत आहे. भविष्यात उत्पादन वाढवण्याचा आणि प्रक्रिया उद्योग सुरू करण्याचा त्यांचा मानस आहे.