अंबरनाथ येथे रेशन दुकानावर प्रशासनाकडून मोठी कारवाई करून गुन्हा नोंद केला
अंबरनाथ मधील सामाजिक कार्यकर्ते प्रवीण गोसावी यांच्या सतर्कतेमुळे रेशन दुकानाचा काळाबाजार उघडकीस आला
महालक्ष्मी नगर : महालक्ष्मी मंदिर येथील रेशन दुकान (शिधावाटप केंद्र) क्र. ४६ फ -१ / संस्था चालक अंबरनाथ मैत्रिणी औद्योगिक उत्पादन सहकारी संस्था मर्यादित सदरच्या दुकाना मधुन राज्य सरकार तर्फे वाटप करण्यात येणारे गणेशोत्सव राशन (किट) सोमवार दि ०९ सप्टेंबर रोजी पहाटे ३ ते ५ च्या दरम्यान MH -४६ – बी-यू ३६३५ या वाहनांमधून काळयाबाजारात विक्री करण्यासाठी चोरून नेत असलेले २७० लिटर (दोनशे सत्तर लिटर) सोयाबीन गोडेतेल ची माहिती भेटली.
कार्यकर्त्यांच्या सहकार्यामुळे सापळा रचुन सदरच्या दुकानातील कर्मचारी व वाहन चालक यांना रंगेहात पकडुन पोलिसांच्या स्वाधीन केले.
सदरच्या घटने नंतर शिधावाटप अधिकारी पाटसुते व खरात यांच्या तपासणी दरम्यान सदरच्या राशन दुकानातून तब्बल ४ लाखाच्या आसपास अन्न – धान्याचा उपहार संगमताने केल्याची बाब शिधावाटप अधिकारी यांना माहिती देण्यात आली व शिवाजी नगर पोलीस ठाणे येथे संगमताने राशन साठ्याचा उपहार देणारी संस्था चालक, दुकानं कर्मचारी, वाहन चालक व वाहन जप्त करून दुकान सील करून गुन्हा दाखल करण्यात आला असुन यातील रंगेहात पकडण्यात आलेले कर्मचारी व वाहन चालक यांना अटक करण्यात आली आहे.
सदरच्या घटनेचा अधिक तपास शिवाजी नगर पोलीस ठाण्याचे पोलीस अधिकारी शेख करीत आहेत.