लेखणी बुलंद टीम:
मेष – प्रयत्नांना यश मिळेल
या आठवड्यात तुम्ही नवीन कार्य करण्यासाठी नव्या दिशेने पावले टाकू शकता. कामातील जुने प्रोजेक्ट किंवा तुमच्या नातेसंबंधात बदल होऊ शकतो. या आठवड्यात तुम्हाला तुमचा आत्मविश्वास वाढवून पुढे जावे लागेल असे तुमचे टॅरो कार्ड सांगतात, कारण येणारा काळ तुमच्यासाठी सकारात्मक आहे भविष्यात त्याचा फायदा तुम्हाला नक्की होई. व्यावसायिक जीवनात तुमच्या प्रयत्नांना चांगले परिणाम मिळतील.
वृषभ – नात्यात नवी सुरुवात होईल
हा आठवडा तुमच्यासाठी आशावादी असेल. याआठवड्यात तुम्हाला तुमच्या जीवनात संतुलन स्थापित करणे आवश्यक आहे. मानसिक शांतता असणे खूप आवश्यक आहे तसेच यावेळी प्रत्येक निर्णय विचारपूर्वक घ्यावा लागेल. तुमच्या नात्यात सुसंवाद राहील आणि नवीन सुरुवात देखील होईल.
मिथुन – विचारपूर्वक निर्णय घ्या
या आठवड्यात तुम्हाला तुमच्या जीवनात थोडी स्थिरता आणावी लागेल. कोणताही निर्णय घेताना तुम्हाला थोडा वेळ घेऊन विचारपूर्वक पुढे जावे लागेल. तुमच्या गोष्टींमध्ये धीर धरा आणि सध्याची सभोवतालची परिस्थिती समजून घेऊन पुढे जा. एखादी जुनी सवय किंवा परिस्थिती बदलण्यासाठी ही योग्य वेळ आहे.
कर्क – संधीचे सोने कराल
या आठवड्यात तुमच्या आयुष्याला गती येईल. तुम्हाला नवीन संधी मिळतील ज्याचा योग्य फायदा घेतला तर भविष्यात तुम्हाला नक्कीच यश मिळेल. मेहनत आणि समर्पणाने ध्येयावर लक्ष केंद्रित करा. वैयक्तिक जीवनातही तुम्हाला मानसिक शांती आणि भरभरून प्रेम मिळेल.
सिंह – नात्यात सुसंवाद ठेवा
तुमच्यासाठी हा आठवडा समतोल साधणारा आणि विचारपूर्वक निर्णय घेणारा आहे. काही महत्त्वाच्या निर्णयाबाबत तुम्हाला याआठवड्यात स्पष्टता मिळू शकते. नातेसंबंधांमध्ये सुसंवाद ठेवावा लागेल तसेच नात्यात कोणतेही पाऊल उचलण्यापूर्वी काळजीपूर्वक विचार करा. तुमची उर्जा सकारात्मक असू द्यात.
कन्या – नव्या संधी, नवी दिशा मिळेल
हा आठवडा तुमच्या आयुष्यात अनेक नवे बदल घडवून आणणारा आहे. तुम्हाला काही जुन्या गोष्टी सोडून नवीन कल्पना आणि येणाऱ्या संधी यावेळी स्वीकारण्याची गरज आहे. हा मानसिक आणि भावनिक नूतनीकरणाचा काळ आहे. तुमचे जुने प्रश्न सुटून जीवनातील गोष्टींना नवी दिशा मिळेल.
तुळ – आंतरिक आवाज ऐका
हा आठवडा तुमच्यासाठी आत्मनिर्भरता आणि आंतरिक ज्ञानाचे ऐकून त्यादिशेने काम करण्याचा काळ आहे. कोणताही निर्णय घेताना स्वतःवर विश्वास ठेवा आणि तुमचा आंतरिक आवाज ऐका. योग्य दिशेने मार्ग मिळेल तुम्हाला फक्त तो मार्ग ओळखण्याची गरज आहे. नात्यातही बुद्धीने घेतलेले निर्णय उपयोगी पडतील.
वृश्चिक – सकारात्मक बदल घडतील
या आठवड्यात तुमचा आत्मविश्वास वाढेल आणि तुम्हाला मोठ्या संधी मिळू शकतात. व्यावसायिक जीवनात तुम्हाला यश मिळू शकेल. वैयक्तिक जीवनातही आनंदाचे आणि प्रेमाचे वातावरण असेल. हा आठवडा तुमच्यासाठी सकारात्मक बदलांचा आहे.
धनु – संयम साधावा लागेल
या आठवड्यात तुम्हाला काही नवीन कल्पना सुचू शकतात आणि त्यासाठी दिशा देखील मिळू शकते. जीवनातील जुन्या गोष्टी बाजूला ठेवून नव्या दृष्टीकोनातून काही गोष्टींकडे तुम्हाला यावेळी पाहावे लागेल. तुमचे जुने विचार किंवा सवय बदलून तुम्ही नवीन मार्गावर चालू शकता. संयमाने आणि समजून घेऊन काम करा फायदेशीर ठरेल.
मकर – ध्येयाच्या दिशेने पावले टाकाल
हा आठवडा संयम साधणारा आणि संतुलनाने काम करण्याचा आहे. तुम्हाला तुमच्या विचार आणि कृतीत संतुलन राखण्याची गरज असल्याचे याआठवड्याचे तुमचे टॅरो कार्ड सांगत आहेत. या आठवड्यात तुम्हाला ध्येयाच्या दिशेने पाऊल टाकून योग्य वेळी निर्णय घेऊन काम करावे लागेल. नोकरी आणि नातेसंबंधात विचारपूर्वक पावले उचलावी लागतील.
कुंभ – आंतरिक विचार मार्गदर्शन करतील
या आठवड्यात तुमच्यासाठी एखादी गोंधळात टाकणारी परिस्थिती निर्माण होऊ शकते. मात्र यावेळी तुमचे आंतरिक विचार आणि भावना तुम्हाला मार्गदर्शन करू शकतात. गोंधळलेल्या परिस्थितीत तुम्ही प्रभावाखाली कोणतेही मोठे निर्णय घेऊ नका अन्यथा नुकसान होईल याची काळजी घ्या.
मीन – पार्टनरशीपसाठी योग्य वेळ
तुमच्या नातेसंबंधांसाठी आणि व्यवसायातील पार्टनरशीपसाठी हा आठवडा महत्त्वाचा असू शकतो. कोणताही महत्त्वाचा निर्णय घेताना तुम्हाला बुद्धी आणि मन दोन्ही संतुलित करावे लागतील. तुमचे नाते मजबूत करण्यासाठी जोडीदारासोबत वेळ घालवा. स्वतःसाठी एखाद्या बाबतीत योग्य निर्णय घेण्याची ही वेळ चांगली आहे.