लेखणी बुलंद टीम:
मेष साप्ताहिक आर्थिक राशिभविष्य – कामात प्रगती, खर्च कमी करावा
ऑफिसच्या कामात प्रगतीचे योग असून महिलेच्या मदतीमुळे प्रोजेक्ट यशस्वी होईल. कुटुंबात मोठ्या व्यक्तींच्या आशीर्वादामुळे जीवनात सुखसमृद्धीचे शुभ योग आहेत. लवलाइफ रोमँन्टीक असेल. आर्थिक बाबतीत खर्च जास्त आहेत, खास करून महिलांनी या गोष्टीकडे लक्ष द्यावे. तब्येतीची काळजी घ्या कारण हवामान बदल त्रास देवू शकतो. सांधदुखीचा त्रास होवू शकतो. या आठवड्यात प्रवास टाळल्यास चांगले, अन्यथा त्रासाची शक्यता आहे. आठवड्याच्या शेवटी, एखाद्या नातेवाईकामुळे तुम्ही टेन्शन घेणार आहात तसेच मानसिक अस्वस्थता वाढेल.
शुभ दिन: 29,30,2
वृषभ साप्ताहिक आर्थिक राशिभविष्य – ऑफिसमच्या कामात यश, घरात कौतुक
ऑफिसच्या कामात यश असून सगळेजण प्रोजेक्ट यशस्वी होण्यासाठी मदत करतील. तब्येतीत सुधारणा असून योग, ध्यानधारणा याकडे लक्ष द्या. कुटुंबात सुखसमाधानाचे वातावरण असेल आणि एकमेकांमध्ये प्रेम वाढेल. तुम्हाला या आठवड्यात कुटुंबात विशेष महत्त्व दिलं जाईल तसेच तुमचं कौतुक होईल. या आठवड्यात प्रवासामुळे मोठा लाभ असून लवलाइफ उत्तम आहे. आर्थिक खर्च जास्त होण्याची शक्यता आहे. आठवड्याच्या शेवटी, कोणत्याही निर्णयावर पोहोचण्यापूर्वी सखोल विचार करा.
शुभ दिन: 29,30,1,2,3
मिथुन साप्ताहिक आर्थिक राशिभविष्य – राग, वाणी यावर नियंत्रण ठेवा
ऑफिसमध्ये काम वाढणार असून तणाव देथील वाढतो आहे. कधी कधी कठोर शब्दांचा वापर तुम्ही कराल पण स्वतःवर नियंत्रण ठेवा. तुमच्यामुळे इतरांना त्रास होणार नाही याची काळजी घ्या. प्रोजेक्टमध्ये विलंब होण्याची शक्यता आहे. या आठवड्यात मुलांवर जास्त खर्च होवू शकतो. कुटुंबात काही नवीन गोष्टींमुळे तुमचं मन अस्वस्थ राहील. लवलाइफ ठिक असून साथीदारासोबत सहलीला जाण्याचा योग आहे. तब्येतीत सुधारणा असून आहार आणि आरामाकडे लक्ष द्या. प्रवासात यश आहे. आठवड्याच्या शेवटी जीवनात मोठे बदल होतील. कुटुंबातील ज्येष्ठांच्या तब्येतीकडे लक्ष द्या.
शुभ दिन: 29,1, 3,4
कर्क साप्ताहिक आर्थिक राशिभविष्य – प्रोजेक्ट यशाच्या मार्गावर
ऑफिसच्या कामात प्रगती असून संयम अत्यंत महत्त्वाचा आहे. जो काही निर्णय घ्याल त्यामुळे प्रोजेक्ट यशाच्या मार्गावर असेल. कुटुंबात नातेसंबंध अधिक दृढ होतील. या आठवड्यात कुटुंबासोबत जास्त वेळ घालविणार आहात. प्रवासात यश असून सुखद अनुभव येतील. प्रेमसंबंधांमध्ये कोणत्यातरी मोठ्या व्यक्तीमुळे मतभेद होऊ शकतात. आर्थिक खर्च जास्त होतोय, आत्ताच लक्ष द्या. तब्येतीकडे दुर्लक्ष करु नका, ताणतणाव कमी करा.
शुभ दिन: 30,2,3
सिंह साप्ताहिक आर्थिक राशिभविष्य – गुंतवणुकीमुळे मोठा फायदा
आर्थिक प्रगतीचे संकेत असून गुंतवणुकीमुळे फायदे होतील. तब्येतीत सुधारणा असून आहार आणि आराम याकडे खास लक्ष द्या. योग, ध्यानधारणा अगदी मुलांसोबत पार्कमध्ये फिरणे तुमच्यासाठी उत्तम असेल. या आठवड्यात केलेल्या प्रवासामुळे यश मिळेल आणि प्रवासात अशी एखादी व्यक्ती भेटेल ज्यामुळे भविष्यात लाभ होईल. या आठवड्यात आर्थिक लाभ होण्याची शक्यता आहे. ऑफिसच्या कामात थोडी बंधन असू शकतात, त्यामुळे अस्वस्थता वाढेल. लवलाइफमध्ये नाराजीचे सुर आहेत. आठवड्याच्या शेवटी, सुख समृद्धीचे शुभ योग असून मन प्रसन्न राहील.
शुभ दिन: 31,1,3,4
कन्या साप्ताहिक आर्थिक राशिभविष्य – नवीन प्रोजेक्ट लाभदायक
ऑफिसच्या कामात प्रगती असून कोणताही नवीन प्रोजेक्ट तुम्हाला शुभ परिणाम देईल. कुटुंबात सुख समाधान वाढेल. या आठवड्यात प्रवास करण्याआधी चांगली योजना कराल आणि त्यात यशस्वी व्हाल. आहाराकडे लक्ष द्या, जंक फूड खाणे कमी करा, अन्यथा तब्येतीवर वाईट परिणाम होवू शकतो. आर्थिक खर्च जास्त होईल, लक्ष द्या. लवलाइफमध्ये प्रॅक्टिकल निर्णय घेतल्याने चांगले परिणाम होतील. आठवड्याच्या शेवटी, कुटुंबातीस प्रेम अधिक वृद्धिंगत होईल.
शुभ दिन: 30, 2,3,4
तुळ साप्ताहिक आर्थिक राशिभविष्य – नवीन प्रोजेक्ट टेन्शन वाढविणार
या आठवड्यात प्रवासामुळे यश असून जुन्या आठवणींना उजाळा मिळेल. तब्येतीत खूप सुधारणा होईल, तुम्ही जोश आणि उत्साहात काम कराल. नवीन प्रोजेक्टबद्दल मात्र थोडी अस्वस्थता असू शकते आणि बेचैनी वाढेल. लवलाइफमध्ये प्रवासाचा विचार पुढे ढकला. आर्थिक बाबतीत अचानक खर्च वाढतील किंवा मालमत्तेचे काही नुकसान होवू शकते. कुटुंबात प्रिय व्यक्तीचा विरह त्रास देईल. आठवड्याच्या शेवटी, संयमाने घेतलेले निर्णय चांगले परिणाम देणार आहेत.
शुभ दिन: 1,3
वृश्चिक साप्ताहिक आर्थिक राशिभविष्य – व्यवसायात नफा, गुंतवणुकीमुळे फायदा
या आठवड्यात करिअर आणि व्यवसायात तुम्हाला लाभ होणार आहे. एखाद्या ज्येष्ठ व्यक्तीमुळे तुमचा खूप मोठा फायदा होईल. प्रोजेक्टबद्दल तुम्ही जेवढा फास्ट निर्णय घ्याल तेव्हढे उत्तम आहे. आर्थिक बाबतीत स्थिती चांगली आहे तसेच धनलाभाचा योग असून व्यवसायात नफा होईल. गुंतवणुकीमुळे फायदे होतील, नक्की विचार करा. या आठवड्यात कुटुंबाच्या बाबतीत दोन निर्णयांमध्ये तुमचा संभ्रम होऊ शकतो, पण तुमचे मन काय म्हणते त्याप्रमाणे वागा, चांगले परिणाम मिळतील. प्रवासात यश असून आठवड्याच्या शेवटी, तुमच्या जीवनात मोठे बदल होतील आणि परिस्थिती उत्तम होईल.
शुभ दिन: 29,30,31, 2,3,4
धनु साप्ताहिक आर्थिक राशिभविष्य – प्रोजेक्टमधून हळूहळू यश
या आठवड्यात तुमची तब्येत उत्तम असेल, जी लाइफस्टाइल सुरु आहे त्याकडे कटाक्षाने लक्ष द्या. प्रेमसंबंध अधिक मजबूत होतील. प्रोजेक्टमधून हळूहळू यश मिळेल. आर्थिक बाबतीत वास्तवादी निर्णय घ्या, अन्यथा तुम्हाला चांगले परिणाम मिळणार नाहीत. कुटुंबातील वाद किंवा अडचणी संवादाद्वारे सोडवण्याचा प्रयत्न करा. प्रवास करत असताना धोका होऊ शकतो, त्यामुळे प्रवास टाळा. आठवड्याच्या शेवटी सुख समृद्धीचे योग असून मिळकतीच्या अनेक संधी मिळतील.
शुभ दिन: 29,1,4
मकर साप्ताहिक आर्थिक राशिभविष्य – सुख समृद्धी योग, कुटुंबाला वेळ देणार
या आठवड्यात कोणत्यातरी मोठ्या व्यक्तीच्या आशीर्वादामुळे कुटुंबात सुख समृद्धी असेल. कुटुंबासोबत छान वेळ घालवणार आहात. ऑफिसच्या कामात नवीन प्रोजेक्टबद्दल थोडी धाकधूक असेल, त्यामुळे प्रोजेक्टमध्ये अडथळे येऊ शकतात. तुम्ही टेन्शन घेवू नका तुम्ही सर्व अडचणींवर मात कराल. आर्थिक बाबतीत तुम्हाला भविष्याची योजना करूनच निर्णय घ्यावे लागतील, नाहीतर धनलाभ होणार नाही. प्रेमसंबंध ठिक असतील. तब्येतीची काळजी घ्या आणि आहाराकडे लक्ष द्या. आठवड्याच्या शेवटी जीवनात सुखशांती आणि समाधान असेल. भागिदारीतील व्यवसायात यश मिळेल.
शुभ दिन: 2,4
कुंभ साप्ताहिक आर्थिक राशिभविष्य – भागीदारीतील गुंतवणूक लाभदायक
ऑफिसच्या कामात प्रगती असून आर्थिक दृष्टिकोनातून मदत करणारा कोणीतरी व्यक्ती नक्की भेटेल. आर्थिक बाबतीत वेळ अनुकूल असून भागीदारीत केलेली गुंतवणूक चांगले परिणाम देईल. लवलाइफमध्ये जुनी आठवणींना उजाळा द्याल आणि आनंदाची अनुभूती होईल. प्रवासाचा योग आहे पण अपेक्षेपेक्षा जास्त यश मिळणार नाही. आठवड्याच्या शेवटी तब्येतीकडे लक्ष द्या, मन अस्वस्थ राहण्याची शक्यता आहे.
शुभ दिन: 29,30,31, 3
मीन साप्ताहिक आर्थिक राशिभविष्य – धनलाभाचे योग, तब्येत सांभाळा
आर्थिक बाबतीत वेळ अनुकूल असून धनलाभाचे योग आहेत. या आठवड्यात कुटुंबातील महिलेच्या मदतीमुळे जीवनात सुख समृद्धीचे योग येतील. तब्येतीकडे लक्ष द्या कारण सांधे दुखीचा त्रास होवू शकतो. लवलाइफमध्ये अहंकार येवू शकतो त्यामुळे नाराजीचे सुर आहेत. ऑफिसच्या कामात थोड्या मर्यादा आहेत आणि मन अस्वस्थ राहील. प्रवासा दरम्यान थकवा जाणवू शकत. आठवड्याच्या शेवटी, चांगली बातमी मिळेल त्यामुळे मन प्रसन्न राहील.
शुभ दिन: 31, 2,4