महाराष्ट्रातील मुंबईतील एका नाल्यात २२ अंडी सापडली. या अजगराच्या अंड्यांना निरीक्षणाखाली ठेवण्यात आले होते. महाराष्ट्र वन विभाग आणि रेस्क्विन्क असोसिएशनने त्यांना इन्क्यूबेटरमध्ये ठेवले. असोसिएशनने ३७ दिवसांनंतर ही आनंदाची बातमी दिली आहे. या अंड्यातून बाहेर पडलेले अजगर हे २२ भारतीय रॉक अजगर आहे.
सुमारे ३७ दिवसांपूर्वी एका नाल्यात सापडलेल्या २२ अजगराच्या अंड्यांना सुरक्षितपणे वाचवण्यात आले आहे. या सर्व अंड्यांमधून अजगराचे पिल्ले बाहेर पडले, जे नंतर जंगलात सोडण्यात आले. वन्यजीवांसाठी काम करणारी संस्था रेस्क्विन्क असोसिएशन ऑफ वाइल्डलाइफ केअर (RAWW) ने सांगितले की, या अजगराच्या अंड्यांना उबविण्यासाठी प्लास्टिकचे कंटेनर, माती, नारळाचे कवच आणि कोळशाचा वापर करण्यात आला. प्राणीशास्त्रज्ञांना या ३७ दिवसांसाठी २१ ते २३ अंशांच्या दरम्यान तापमान ठेवण्यात यश आले.
नाल्याच्या साफसफाई दरम्यान अंडी सापडली
RAWW चे अध्यक्ष म्हणाले की दरवर्षी त्यांच्या संस्थेला बचाव कॉल येतात. पावसामुळे साप त्यांच्या मूळ ठिकाणाहून वाहून जातात आणि दुसरीकडे कुठेतरी पोहोचतात. १८ मे रोजी, बीएमसी कर्मचाऱ्यांनी कन्नमवार नगर विक्रोळी (पूर्व) जवळील एका कल्व्हर्टखाली नऊ फूट लांबीचा अजगर आढळल्याची माहिती महाराष्ट्र वन विभागाला दिली. बीएमसी कर्मचारी मुंबईच्या ईस्टर्न एक्सप्रेस हायवेवर नाल्याची साफसफाई करत असताना त्यांना अंडी असलेली मादी अजगर दिसली. वन विभागाच्या पथकाला लगेच समजले की तो एक भारतीय रॉक अजगर आहे आणि तो त्याच्या अंड्यांचे रक्षण करत आहे. तसेच वन्यजीव संरक्षण कायद्याच्या नियमांनुसार, आपण अजगराला आपल्यासोबत ठेवू शकत नाही, म्हणून त्याला त्याच्या नैसर्गिक अधिवासात सोडण्यात आले. त्याची अंडी कृत्रिमरित्या वाचवण्याचा निर्णय घेण्यात आला. तसेच आम्ही सर्व २२ अंड्यांमधून पिल्ले बाहेर काढण्यात यशस्वी झालो. हे आमच्या टीमच्या कठोर परिश्रमाचे फळ आहे.