नागपूर जिल्ह्यातील कळमेश्वर पोलिस स्टेशन हद्दीतील कोतवालबड्डी येथून एक मोठी बातमी समोर आली आहे. या परिसरातील एका एक्सप्लोसिव्ह कंपनीमध्ये (Explosives Manufacturer Company) मोठा स्फोट (Massive Blast) झाल्याची माहिती पुढे आली आहे. एका खाजगी कंपनीत हा स्फोट झाला असून या ठिकाणी स्फोटक संबंधीत साहित्य तयार केलं जात असल्याची प्रथमिक माहिती पुढे आली आहे. मात्र, नेमका हा स्फोट कशामुळे झाला? हे अद्याप कळू शकलेले नाही. परंतू हा स्फोट इतका भीषण होता की यात दोन कामगार मृत्युमुखी पडल्याची प्रथमिक माहिती पुढे आली आहे.
दोन कामगारांचा मृत्यू, तर मृतकांचा आकडा वाढण्याची भीती
मिळालेल्या माहितीनुसार, आज रविवार (16 फेब्रुवारी) च्या दुपारी दोन वाजताच्या सुमारास ही घटना घडली आहे. हा स्फोट इतका भीषण होता की यात कंपनीमधील छप्पर मजूरांवर पडून आणि आगीत होरपळून दोन कामगारांचा मृत्यू झाला आहे. तर मृतकांचा आणि जखमींचा आकडा वाढण्याची शक्यता ही बाळवली आहे. घटनेची माहिती मिळताच पोलीस आणि अग्निशमन दलाचे पथक घटनास्थळी दाखल झाले आहे. सध्या पुढील कारवाई पोलिसांकडून करण्यात येत आहे. मात्र या घटनेने परिसरात एकच खळबळ उडाली आहे.