मका खाण्याचे अनेक पौष्टिक फायदे आहेत. त्याच्या पौष्टिक मूल्यामुळे आणि अन्न उद्योगात इतर अनेक उपयोगांमुळे मका हा जगातील सर्वात महत्त्वाच्या पिकांपैकी एक आहे. पारंपरिकपणे, भारतातील अनेक पदार्थांमध्ये मका वापरला जातो. जसे की कॉर्नमील, भाजलेला मका, पॉपकॉर्न आणि मक्याची भाकरी यांचा समावेश आहे.
फेरुलिक आम्ल हे एक अद्वितीय फायटोकेमिकल आहे, जे बहुतेक धान्यांमध्ये तसेच फळे आणि भाज्यांमध्ये आढळते. परंतु, ते मक्यामध्ये जास्त प्रमाणात आढळते. मका शिजवल्याने फेरुलिक आम्लाचे प्रमाण लक्षणीयरीत्या वाढते. जरी कॉर्न कॅरोटीनमुळे पिवळा असला, तरी त्यात बीटा-कॅरोटीनचे प्रमाण कमी असते. कॅरोटीन्स ऑक्सिडेटिव्ह प्रतिक्रिया आणि कर्करोग रोखण्यास मदत करतात.
मक्यात कार्बोहायड्रेट्स, फायबर, जीवनसत्त्वे आणि खनिजे भरपूर प्रमाणात असतात. “मका हे एक चांगले प्रोबायोटिक आहे. याच्या सेवनाने पचनास मदत होते, शिवाय चांगले चयापचय सुलभ करतात, ज्यामुळे वजन कमी होण्यास मदत होते. त्यात अँटीऑक्सिडंट्स आणि जीवनसत्त्वे ए, बी आणि सीदेखील असतात, जे निरोगी त्वचा, दृष्टी आणि त्वचा सुदृढ राखण्यास मदत करतात. शिवाय त्यात झिंक, मॅग्नेशियम, तांबे, लोह आणि मॅंगनीजसारख्या काही आवश्यक खनिजांचे निरोगी प्रमाण असते. मका हे ग्लूटेन-मुक्त धान्य आहे आणि ते सेलिआक रोगासाठी वापरले जाते. वजन कमी करण्यास मदत करण्याव्यतिरिक्त ते दैनंदिन चयापचयसाठी आवश्यक कॅलरीज प्रदान करते, असे बंगळुरू येथील फोर्टिस हॉस्पिटलच्या मुख्य आहारतज्ज्ञ रिंकी कुमारी म्हणाल्या.
तुमच्या आहारात मक्याचा समावेश करण्याचे फायदे
मक्यामध्ये कार्बोहायड्रेट्स आणि पोटॅशियम, फॉस्फरस, लोह आणि थायामिनसारखी खनिजे आणि जीवनसत्त्वे भरपूर प्रमाणात असतात.
आहारातील फायबरची कमतरता बद्धकोष्ठता, कर्करोग, उच्च कोलेस्ट्रॉल, मधुमेह, लठ्ठपणा आणि उच्च रक्तदाबाशी जोडली गेली आहे. कॉर्नमीलमध्ये १५% फायबर असते, ज्यापैकी नऊ टक्के विरघळणारे असते.
मक्याचा ग्लायसेमिक इंडेक्स बराच जास्त असतो आणि म्हणूनच मधुमेही आणि वजनाची जाणीव असलेल्या लोकांनी ते कमी प्रमाणात घ्यावे.
ग्लुटेन-मुक्त असल्याने ते ग्लुटेन असहिष्णुता किंवा सेलिआक रोग असलेल्या लोकांसाठी योग्य आहे.