सोलापुरातील आंबेडकर जयंती उत्सवात मोठ्या आवाजात डीजे वाजवल्या प्रकरणी डीजे मालकासह चार जणांवर गुन्हा दाखल करण्यात आलाय.सोलापूर शहरात एका जयंती उत्सवामध्ये कर्णकरकश्य डीजे लावल्याप्रकरणी गुन्हा दाखल करण्यात आलाय.
डीजे सिस्टीमसाठी ठरवून दिलेल्या डेसिबल पेक्षा अधिक तीव्रतेमध्ये वाजल्याने फौजदार चावडी पोलीस ठाण्यात गुन्हा दाखल झालाय.
डीजे सिस्टीमचे मालक संकेत बोंडवे यांच्यासह मंडळांच्या तीन पदाधिकाऱ्यांवर गुन्हा दाखल करण्यात आलाय.अनेक वेळा विनंती करून देखील डीजेचा आवाज कमी न झाल्याने पोलिसांनी थेट गुन्हा दाखल केलाय.भारतरत्न डॉ. बाबासाहेब आंबेडकर यांची जयंती देशभरात उत्साहात साजरी करण्यात आली.
मात्र, अजूनही भीम जयंतीचा उत्साह कमी झालेला नाही. दोन दिवसांपूर्वी अनेक ठिकाणी आंबेडकर जयंतीच्या सांगता मिरवणुका पार पडल्या आहेत.सोलापुरात डॉ. बाबासाहेब आंबेडकर जयंतीची सर्वात मोठी मिरवणूक पाहायला मिळाली.डॉ. बाबासाहेब आंबेडकर जयंती उत्सवाची सांगता सोलापुरात रविवारी (दि.21) नेत्रदीपक अशा मिरवणुकीने झाली.या भीम जयंतीच्या मिरवणुकीत सोलापूर शहरासह ग्रामीण भागातील लोकांनी तुफान गर्दी केली होती.सोलापुरात आंबेडकर जयंती निमित्ताने काढण्यात आलेली मिरवणूक महाराष्ट्रातील सर्वात मोठी भीम जयंतीची मिरवणूक मानली जात आहे.या मिरवणुकीत डॉ. बाबासाहेब आंबेडकर यांच्या अनुयायांनी हजेरी लावली होती.