महाराष्ट्रातील ठाणे शहरातील एका खाजगी रुग्णालयात रुग्णाचा मृत्यू झाल्यानंतर त्याच्या नातेवाईकांनी २४ वर्षीय डॉक्टरवर हल्ला केल्याची माहिती ठाणे पोलिसांनी शनिवारी दिली.
तसेच डॉक्टरांच्या तक्रारीच्या आधारे, चितळसर पोलिसांनी ५ फेब्रुवारी रोजी दुपारी झालेल्या हल्ल्यात सहभागी असलेल्या तीन जणांविरुद्ध गुन्हा दाखल केला आहे, असे एका अधिकाऱ्याने सांगितले. पीडित डॉक्टर हे एका ३० वर्षीय महिलेवर उपचार करत होते, जिचा नंतर मृत्यू झाला. महिलेच्या मृत्यूमुळे संतप्त झालेल्या रुग्णाच्या कुटुंबीयांनी वैद्यकीय पथकावर निष्काळजीपणाचा आरोप केला. अधिकाऱ्याने सांगितले की, आरोपीने डॉक्टरांना शिवीगाळ केली आणि धमकी दिली. त्यापैकी एकाने त्याला स्टीलच्या खुर्चीने जखमी केले. पोलिसांनी गुन्हा दाखल केला असून पुढील तपास सुरु असल्याची पोलिसांनी सांगितले.